Wala pa makadawat sa kopya sa mga permits gikan sa mga rally-groups ang Manila Police District alang sa nagkaduol nga ika-40 nga anibersaryo sa EDSA People Power Revolution.
Kini ang gikompirmar ni Police Major Philip Ines, spokesperson sa MDP sa exclusive interview sa BOMBO RADYO.
Namahayag si Major Ines nga bisan wala pay gisubmiter ang Manila City Hall nga listahan sa mga cause oriented groups, nakapangandam na kini sa ilang mga kalihukan sa gilauman nga lapad nga lihok protesta.
Unang nakakuha sa report ang kapulisan nga ilusad sa mismong adlaw sa anibersaryo ang ikatolong hugna sa Trillion Peso March nga panguluhan sa Simbahang Katolika sa Peberero 25.
Una nang gimando sa kampo krame sa Philippine National Police ang full alert status, ug maximum tolerance sa paglusad sa managlahing demonstrasyon sa maong adlawa.
