CAGAYAN DE ORO CITY – Gi-aktibo sa Philippine National Police o PNP ang Media Action Center o MAC sa tanang regional offices palibot sa nasud.
Miingon si Police Regional Office 10 spokesperson Major Joann Navarro nga nag-unang tuyo ni PNP chief Gen Rommel Marbil nga mahatagan gilayon sa tubag ang bisan unsa nga lehitimong mga yangu-ngo sa katawhan may kalabutan sa nagkaduol nga May 12 elections.
Gibutyag ni Navarro nga hiniusa kini nga lakang sa tanang municipal,city ug provincial public information offices aron mapakita ang sihag nga pagtutok sa kapolisan sa mga kalihukan konektado sa piliay sa nasud.
Siya miingon nga pangunayan niya ang pagpangulo sa MAC sa rehiyon ubos sa superbisyon ni PRO 10 Director Brig Gen Jaysen De Guzman.
