CAGAYAN DE ORO CITY- Dunggon na sa kamarabaha ang sugyot-balaodnon ni House committee on constitutional ammendments chairman Cagayan de Oro City 2nd District Rep Rufus Rodriguez nga dili mag-obligar sa media nga mopirma sa evidence inventory ug mo-testigo sa formal case trial sa korte.
Si Rodriguez miingon nga iya nang naduso ang maong sugyot-balaodnon ug paningkamutan niya nga ma-amendar ang RA 9165 ilabina nga nakita niya nga purwesyo sa media practitioners kay gikinahanglan pa niini nga moggahin oras aron magpakita sa korte.
Giduso ni Rodriguez ang sugyot balaod-on nga mag-amendar sa pipila ka probisyon sa Dangerous Drugs Act of 2002 diin coverage lamang ang himoon sa media practitioners.
Samtang dakong uyon si City Police Director Police Colonel Henry Dampal sa giduso nga sugyot-balaodnon ni Cagayan de Oro City 2nd District Rep Rufus Rodriguez nga mag-amendar sa pipila ka probisyon sa Dangerous Drugs Act of 2002.
Miingon si Dampal nga mas mapadali ang ilang mga operasyon tungod kay makulangan ang requirements.
Giangkon sa opisyal nga bisan sila ang hasulan sa partisipasyon sa mga sakop sa media sa bag-ong balaod kay malangan ang ilang mga operasyon ilabina kon walay media ang motunga ug magsilbing witness sa ilang police operations.
Gitin-aw usab niini nga nakita niya ang gibating kahasol sa media sa maong balaod.
