Gibasol ang media ug mga vloggers sa pagsaka sa ihap sa mga gahikog sa syudad.
Kini human nanawagan ang City Social Welfare Development Office – Psychosocial Cluster nga publiko, mga netizens, vloggers ug sa miyembro sa prensa nga mahimong repsonsabli sa pag-report sa mga insidente sa hikog.
Gibutyag kini ni Rio Rosal Baliling, ang kasamtang milingkod nga city psychologist nga nagtutok sa problemang mental sa katawhan sa dakbayan.
Siya miingon nga niadtong 2025 anaa sa 738 ka tawo ang ilang nahatagan sa serbisyon, ug wala pay labot niini ang mga narespondihan nga mag insidente sa diriyot magpakamatay.
Nagtoo si Baliling nga kung “careful” ang tawo sa pagpagawas sa impormasyon, mas malikayan ang pagsaka sa ihap sa mga tawong magsulay sa hikog.
