Gipangayuan karo’g impormasyon ni kanhi Executive Secretary Salvador Medialdea ang International Criminal Court o ICC kon asa nahimutang si kanhi Pres Rodrigo Duterte.
Kini tungod kay subay sa pakisusi ni Medialdea,wala sulod sa detention facility si Duterte nga unang gipahimutangan kaniya kagahapong adlawa.
Miingon ang kanhi opisyal nga adunay nagsulti kaniya nga gidala daw sa ospital si Duterte apan walay klaro nga gihatag nga detalye.
Kini ang rason nga dalikyatan ni Medialdea ang ICC aron klaruhon ang tukma nga lokasyon ni Duterte.
Nabalaka na si Medialdea kung asa na ang lokasyon ni Duterte’
‘We are at a loss at this time.Lokohan na to. We dont know where is Duterte right now,’ ingon ni Medialdea.
Si Duterte gi-kustodiya sa ICC kay adunay kasong crime against humanity nga iyang giatubang epekto sa war on drugs campaign dinhi sa nasud.
