Wala pay posisyon ang simbahang Katoliko sa medical marijuana o sa pagpanday’g balaod nga mahimo ng gamiton ang marijuana alang mga seryosong balatian sa nasud.
Apan namahayag si Bro. Wilson Amad, vice president sa Confraternity of the New Apologetics nga walay dautan nga mogamit kitag tanom sama sa marijuana sa pagpanambal sa balatian kung kini ang gikinahanglan.
Giklaro ni Amad kinahanglan lang gayud nga dili kini maabusuhan.
Hisayran nga sugdan na sa Philippine Drugs Enforcement Agence ang ilang pagtuon sa medical marijuana aron magamit sa mga magbabalaud ang mahimong resulta niini.
Una ng gilaraw sa 17th congress ang paghimog balaud sa medical marijuana apan gisupak sa senado ug ning higayona subli kining gilaraw nga ipasar sa 18th congress.
