CAGAYAN DE ORO CITY, Philippines – Kabag-uhan! Kini ang nag-unang kampanya sa bag-ong British Prime Minister nga si Sir Kier Starmer, didto sa United Kingdom.
Gibutyag ni Bombo International News Correspondent Dolly Ilogon nga lakip sa nag-unang suliran sa UK mao ang ilang nalumpag nga Health Care Services.
Saksi si Ilogon sa walag-tuo nga lihok protesta sa mga frontliners sa medical sectors ug duha niini mao ang iyang anak nga babaye, kuyog sa iyang son-in-law nga pulos nanarbaho isip medical doctor sa maong nasud.
Miingon si Ilogon nga kinahanglan pamatud-an ni Sir Starmer ang iyang saad tungod kay sobra ka nihit ang ihap sa mga nurses ug doktors sa UK sukad nangamatay ang ilang mga kaubanan sa milabay’ng COVID-19 Pandemic.
Una niini, bisan sa emergency rooms, lisud kaayo nga mahatagan sa igong medikasyon ang mga nagsakit kay maabtan pa sa usa hangtud unom ka bulan ang appoinment sa pasyente tungod sa kakulang sa hospital staff nga mag-atiman kanila.
Gibutyag ni Ilogon nga gikapuy na kaayo ang ilang doktors ug nurses nga halos walay relibo kay walay ga-apply nga mga bag-ong nurses kay gamay ra ang sweldo ug kulang ang benepisyo.
