CAGAYAN DE ORO CITY – Nagsilbi nang back-to-back title holder ang lungsod sa Medina alang sa tinuig nga Miss Kuyamis Festival nga kabahin sa highlights sa anibersaryo sa pagkasilbing probinsya sa Misamis Oriental.
Kini human nasakmit ni Aaliyah Mae Labis nga representasyon sa Medina ang korona sa indigay sa kaanyag ning tuiga.
Si Labis ang mihulip kang 2024 Ms Kuyamis Kristine Jane Sarsalejo.
Nagsilbing runner ups ni Labis sila Zusmitha Sheen Itum (1st) gikan sa lungsod sa Tagoloan;Quench Gift Espantaleon (2nd) sa Magsaysay; Christal Briseis Polancos (3rd) sa Mantiaco ug Nicole Lobido (4th) sa Laguindingan.
Gilauman nga kini nga batch sa Ms Kuyamis ang molambigit sa nagkadaiyang national beauty pageants sa kauluhan sama sa ubang beauty queens nga produkto sa maong pageant search sa lalawigan.
Gihimo ang grand coronation night sa Atrium,Limketkai Mall ning syudad.
Hisayrang kini na ang ika-dose nga Ms Kuyamis Festival diin gisugdan ni District 2 Cong. Bambi Emano nga gipadayon usab ni incumbent Gov. Peter Unabia nga maoy nagsunod kaniya sa pagdumala sa kapitolyong pang-gobierno.
