CAGAYAN DE ORO CITY-Gitutukan sa kapolisan nga anggulo sa ilegal nga droga ang hinungdan nga gipusil-patay ang usa ka mekaniko sulod sa repair shop sa Brgy Tomas Cabili,Iligan City.
Giila ang biktima nga si Mark Gayanilo Lopez,hingkod ang panuigon nga nagpuyo sa Brgy Poblacion sa syudad.
Kamulo nga nag-ayo sa sakyanan ang biktima sa shop sa dihang giduolan sa backrider sa naka-motorsiklo suspek ug gilayong gipusil gamit ang kalibre 45 nga armas.
Samad sa ulo ang naangkon sa biktima hinungdan sa kamatayon niini.
Nasuta nga kanhi Tokhang surrenderee ang biktima sa maong dapit.
