CAGAYAN DE ORO CITY- Gipusil-patay ang usa ka mekaniko sa iyang kauban diha sa Zone 1,Brgy Amoros,El Salvador City,Misamis Oriental kagahapon sa hapon.
Giila ang biktima nga si Crisanto Olis,46 anyos,minyo ug nagpuyo sa Brgy Molugan sa maong syudad.
Naila usab ang suspek nga si Landelino Jaraula,57 anyos,minyo ug nagpuyo sa Zone sa Brgy Amoros sa susamang dakbayan.
Gibutyag ni Amoros Brgy Kag Edwin Bandivas nga nagkabikil ang duruha tungod sa giingong gipaayo nga multicab.
Si Bandivaz miingon nga miresulta sa init nga lalis sa duruha ang isyu sa multicab hinungdan nga mibunot kalibre 45 nga armas si Jaraula ug gilayong pusil kang Olis.
Hinoon,gitahan ni Jaraula ang iyang kaugalingon human sa hitabo ngadto sa kapolisan sa maong syudad.
