Gikondinar ni Italian Prime Minister Giorgia Meloni ang sa bisan unsang paglapas sa ceasefire tali sa Estados Unidos ug Iran, ug gilimod ang pasangil nga siya “subservient” kang U.S. President Donald Trump.
Sa iyang pamahayag sa parlamento, iyang gidayeg ang Pakistan sa pagsuporta sa lisod nga negosasyon ug naglaum nga magsugod na ang peace talks.
Gipamugis ni Meloni nga ang Italya nagpasidaan ug nagkondena sa tanang paglapas sa ceasefire.
Gilimod usab niya ang pasangil nga Rome mosunod lang sa Washington, ug klaro nga wala sila mo-endorso sa tanang aksyon sa U.S.
Sa miaging mga pamahayag, iyang gisaway ang U.S.-led strikes sa Iran nga iyang giingon nga kabahin sa “delikado” nga pattern sa mga interbensyon gawas sa internasyonal nga balaod.
Gipakita usab niini ang oposisyon sa paggamit sa base militar sa Sicily alang sa operasyon batok sa Iran
