CAGAYAN DE ORO CITY – (update) Walay nakitang foul play ang kapulisan sa pagkamatay sa menor-de-edad human malumos samtang nangaligo sa Kawayanon Falls sa Gango, Libona Bukidnon.
Giila ni Police Corporal Jennifer Husayan, sa Women and Children Protection Desk o WCPD section sa Cogon Police Station, ang biktima nga Josh Rain Emano Balangiao, 10 anyos ug residente sa Sitio Lumboy, Barangay Indahag, ning syudad.
Si Husayan miingon nga gidala pa sa JR-Borja General Hospital ang biktima.
Namugos ang mga higala ni Balangiao nga ilang gipaningkamutan nga maluwas kini apan mi-angkon nga dili sila kamao magresusitate.
Sa paghinabi sa imbestigador sa kauban sa biktima, ilang gi-angkon nga dili siya kamao pag-resusitate sa ilang higala human nila kini gisulayan ug luwas.
