CAGAYAN DE ORO CITY – Naluwas sa mga elemento sa Cagayan de Oro City Police Office (COCPO) ubos sa Divisoria Police Station 1 ang usa ka 17 anyos nga biktima nga gitoohang gikidnap sa Maramag Bukidnon.
Miingon si alyas Jun Jun nga taga- Kitaotao gipugos siya’g pasakay sa usa ka pula nga van samtang papauli gikan sa iyang tunghaan sa Philippine Countryville College Incorporated.
Human makadawat sa Flash Alert ang PP-1 gikan Maramag MPS batok sa pula nga van nga gitoohang nangidnap sa magtutungha, paspas milusad sa pagpatrolya ang ilang grupo kagabii.
Nakita sa kapolisan ang maroon nga van sa dalan Tirso Neri.
Pipila ka metros ang gilay-on nangapay ug tabang ang maong menor de edad.
Namugos ang 17 anyos nga biktima nga nakaikyas siya sa mga tawong pugsanong mipasakay niya sa van.
Kasuhan sa kidnapping ang mga suspek nga pugsanong midala sa menor de edad dinhi sa syudad, kagabii.
