Patay ang menor de edad samtang angol ang laing usa sa nahitabong vehicular accident sa Sitio Cabula, Brgy Lumbia ning syudad kagahapong adlawa.
Giila ang backrider nga namatay nga si Dario Danhugan,16-anyos samtang naangol ang driver nga si Robert John Mangadlao, 17-anyos nga taga Upper Tignapoloan ning dakbayan.
Gibutyag ni Police Staff Seargent Francis Marianas, traffic investigator sa Lumbia Police Station nga gidumbulan sa elf truck nga gimaneho ni Jerry Roa Pacuño, 47-anyos, minyo, residente sa Brgy Liboran, Baungon, Bukidnon ang gisakyang motorsiklo sa mga biktima.
Detinado na si Pacunio samtang gihikay ang kasong reckless imprudence resulting to homicide, physical injury and damage to property nga ipasaka batok kaniya.
