CAGAYAN DE ORO CITY-Patay ang menor de edad lalaki nga giingong naghikog diha sa Brgy Indahag ning syudad kagabii.
Miingon si Julito Paubsanon nga nakurat sila sa gidangatan sa ilang anak nga igo na lamang kini nakit-an nga nagluhod sa gikatulgan niini nga katre sa lugar nga gitrabahuan niini.
Gibutyag ni Paubsanon nga laraw nila ipaubos sa otopsiya ang patay’ng lawas ni Joross Paubsanon aron masuta kon unsa ang rason
sa kamatayon niini.
Nasayran nga ang biktima nagsilbi nga tigpilo sa mga sako sa nasdulan niini nga trabaho sa Brgy Indahag ning syudad.
