CAGAYAN DE ORO CITY – Dead on arrival sa ospital ang 16-anyos nga lalake human magpakamatay diha sa Zone-2 Tamparong Compound, Brgy Kauswagan ning syudad.
Naghikog pinaagi sa paghikot sa pisi sa iyang liog ang biktima nga si John Riel Domogho, residente sa maong lugar.
Miingon si Si Carmen Police Station investigator Staff Sgt Ryan Glenn Gamber nga paspas nga gidala sa ospital sa pamilya ang biktima apan wala na natabang sa mga doktor ang iyang kinabuhi.
Giimbestigaran pa sa kapolisan ang hinungdan sa pagpakamatay sa biktima.
Si Demogho ang usa lamang sa ubay-ubay’ng indibidwal nga naghikog-patay sa syudad sa miaging semana.
