CAGAYAN DE ORO CITY-Dili na makasugat ug makasaulog sa bag-ong tuig ang menor de edad nga nagpuyo diha sa Relocation Site,Brgy Pagatpat ning syudad.
Kini human nalumos-patay ang biktima nga si Rafael Nobente,8 anyos nga nagpuyo ning syudad.
Gibutyag ni El Salvador City Police Station commander Supt Jerry Tambis nga subay sa ilang pag-imbestigar nga naligo ang biktima kuyog ang pamilya niini sa Blue View Resort sa Brgy Sapong sa maong syudad sa miaging adlaw.
Giingong wala makabantay ang amahan sa biktima kon asa kini mipaingon hinungdan nga ilang gipangita.
Dead on arrival nga midangat sa ospital ang biktima diha sa Northern Mindanao Medical Center ning syudad sa miaging adlaw.
