CAGAYAN DE ORO CITY – Patay ang usa ka menor de edad nga miyembro sa rebeldeng New Peoples Army NPA sa natigayon nga engkwentro diha sa Mt Balatukan, Gingoog City,Misamis Oriental.
Giila ni 58th IB civic military officer 1Lt. Jefferson Mariano ang biktima nga si Efriel Taquin alyas Rogie, 17-anyos ug residente sa Balingasag,Misamis Oriental.
Si Mariano miingon nga ilang na-engkwentro ang mga armadong grupo samtang nagpahigayon sila sa hot pursuit operation batok sa unang grupo nga ilang na-engkwentro.
Milungtad sa 15 ka minutos ang panagsinukliay sa mga bala nga gikamatay sa menor de edad.
Narekober sa posisyon sa namatay ang usa ka caliber .45 pistol, usa ka improvised explosive device, 100 meters wire, three blasting cap, cellphone ug assorted personal belongings.
Hisayran nga 15-anyos pa lamang ang biktima dihang nakasulod sa walhong grupo.
