CAGAYAN DE ORO CITY – Patay ang 16-anyos nga babaye samtang lima ang samaran sa aksidente sa kadalanan sa Brgy Maria Cristia, Baloi, Lanao del Norte.
Giila ang namatay nga si Shane Mabilin, tricycle driver samtang samaran ang mga pasahero niini nga sila si Anselma Canete 39-anyos, Jayson Angcap 23-anyos, Rubyjean Pacquiao 17-anyos ug Jaquino Ohay 22-anyos kinsa kasamtangang gitambalan sa Mercy Community Hospital sa Iligan City.
Gibutyag ni Baloi Police Station commander Maj Reynante Doldol nga nahitabo ang aksidente dihang kalit mi-overtake ang bongo truck nga gimaneho ni Sowaib Mala, 41-anyos, taga Saguiran, Lanao del Sur. sa trisikad.
Tungod sa kakusog sa impact,kabahin usab nga naangol ang drayber sa truck ug pabilin nga gitambalan sa Amai Pakpak Medical Center,Marawi City.
Mag-atubang sa kasong reckless imprudence resulting to homicide, multiple physical injuries ug damage of property ang suspetsado.
