CAGAYAN DE ORO CITY-Ipaubos sa otopsiya ang lawas sa babayeng menor de edad nga nakit-ang patay sa kasagbutan sa San Nicolas,Brgy Puntod sa syudad kagahapon sa hapon.
Kini human nakaangkon sa binunalan sa martilyo ang ulo ug ubang bahin sa lawas sa biktima nga si Jeramie Lumacang,17 anyos,taga-Brgy Puntod hinungdan sa kamatayon niini.
Miingon si SPO1 Randy Estrada sa Macabalan Police Station nga nadiskobre ang biktima nga gisulod sa sako dihang adunay residente nga nakasuroy sa lugar diin gilabayan sa mga suspek niini.
Gani,wala na’y gisul-ob nga panty ang biktima hinungdan nga nagtoo ang pipila nga gilugos kini sa mga suspek.
Si Lumacang ang mikuyog sa pakig-inom kang Rick John Polinar,21 anyos,ulitawo ug taga-Brgy Lapasan;Erick Polinar ug laing lalaki nga kanhi hinigugma niini.
Una niini,dili pa mabutyag ni SOCO-10 Team Leader C/Insp Dieryl Reuyan kon gilugos ang biktima bisan nahubo ang shortpants ug panty nga iyang gisul-ob atol sa pagka-diskobre kagahapong adlawa.
Samtang ipa-priso sa ginikanan ni Jeramie Lumacang ang tulo ka suspek nga gitoohang responsable paglugos-patay kaniya ug gilabay diha sa San Nicolas,Brgy Puntod ning syudad.
Nakatulo ang luha ni Jinky Lumacang dihang gikomprantasi niini ang mga suspek dihang nadakpan sa mga pulis ug imbestigaran kagabii.
Apan namugos si Rick John Polinar nga gipasanginlan lamang siya sa iyang ig-agaw nga si Erick Polinar kay duna sila’y dugay na nga panagbikil.
Gani,gusto usab sa suspek nga dali makab-ot ang hustisya sa gidangatan sa biktima.
Una usab niini,gibutyag Johaira Botar nga si Rick John ang ulahi nga gikauban ni Jeramie gikan sa ilang pag-inom niadtong Disyembre 31 sa gabii.
