CAGAYAN DE ORO CITY – Mokaso sa rape ang 16 anyos nga babaye batok sa duha ka barkadang lalaki niini nga giingong milugos kaniya sulodd sa City Lodge diha sa Brgy Carmen ning syudad.
Kini human unang nangayo’g tabang ang wala na panganli nga biktima sa kapolisan tungod sa nahitabo kaniya.
Saysay ni Police Master Sgt Merlita Reyes sa Carmen Police Station nga gipatoo sa gawasnon pang mga suspek ang biktima nga gikakuyog nila ang hinigugma niini sa inom-inom hinungdan nga miapas kini diha sa Brgy Macasandig ning syudad.Nahubog ang biktima ug boluntaryo nga gihatod sa mga suspek sakay sa pribadong sakyanan apan padulong sa lodging house ang destinasyon diin nahitabo ang pagpanglugos.
Gibutyag sa biktima nga usa sa mga suspek ang nakahilabot gayud kaniya samtang gihawid-hawiran usab sa laing lalaki ang iyang mga pribadong parti sa lawas niini.
