CAGAYAN DE ORO CITY-Kasuhan sa kapolisan sa rape with homicide ang 12 anyos nga lalaki nga prime suspect
paglugos-patay sa ig-agaw niini nga 5 anyos sa Brgy Cogon,Gitagum,Misamis Oriental.
Kini human inisyal nga nasayran sa kapolisan nga dunay sirkumstansiya nga nagtumbok sa suspek nga si alyas Dodong nga nag-inusarang suspek paghimo sa kremin.
Miingon si Sr/Insp Ron Baba,hepe sa Gitagum Police Station nga namakak ang suspek sa gihimo nila nga imbestigasyon hinungdan siya ang kasuhan nila sa piskalya sunod semana.
Una niini,nakit-an ilalom sa kasagbutan ang biktima nga si alyas Mercy nga wala na’y kinabuhi pipila ka oras gikan nagkuyog sila sa suspek nga giingong nangao’g mangga sa lugar sa miaging adlaw.
