CAGAYAN DE ORO CITY – Patay ang 17-anyos nga lalaki human malumos samtang naligo sa dagat sa Purok 5, Poblacion, Magsaysay, Misamis Oriental.
Giila ang namatay nga si Johnward Espinosa, residente sa may Purok 2, Tulang sa maong lungsod.
Sumala ni Magsaysay Police Station commander Major James Bandarang nga naligo ang biktima kauban ang iyang pamilya dihang kalit kining nawala kauban ang iyang igsoon nga si Chenny Rose Espinosa, 15-anyos.
Nakita sa mga rescuers ang duruha apan dead on arrival sa hospital si Johnward ug natabang sa mga doktor ang manghod niini nga si Chenny Rose.
