Kita kits, sa impeachment trial!
Kini ang nagpanikad nga mensahe ni incoming Mamamayang Liberal (ML) Partylist Representative Leila de Lima sa nagkaduol nga impeachment trial ni Vice President Sara Duterte.
Si Delima, unang mi-angkon nga biktima siya sa peke nga mga impormasyon busa napriso sa dul-an lima ka tuig ubos sa administrasyong Duterte.
Kini ang rason nga milusad sa inisyatiba ang ilang bando aron puhagon ang fake news ubos sa proyektong “True Leila Project”.
Usa kini ka fact-checking website nga gitukod aron ipakita ang tinuod nga impormasyon bahin kaniya ug supakon ang mga bakak nga gipakatap nga nagtumong sa paglumpag sa iyang kredibilidad.
Dayag ang pagkastigo ni Delima ang mga social media trolls nga mipakaylap sa mga impormasyo nga layo sa kamatuoran.
Sa iyang social media post, iyang gi-awhag ang iyang mga supporters nga tabangan siya sa pagkolekta sa mga impormasyon sama sa mga fake news aron dungan kining ihimakak ug mapalugwa ang matuod lamang.
