Gipahinumdoman ni Local Historian Engr. Raul Ilogon ang mga Pilipino nga ang Independence Day maoy pagtamod sa atong heritage tungod kay daghan ang naghalad sa ilang kinabuhi aron kita mahimong usa ka gawasnon ug sovereign nation.
Hinuon, gipunting niini nga ang atong kasamtangang sitwasyon maoy atong kaugalingong responsibilidad ug dili na angay ikapasangil sa atong mga bayani o katigulangan.
Bisan pa niana, giawhag niya ang tanan nga magpadayon sa pagpaningkamot ug tun-an pag-ayo ang kinabuhi sa atong mga bayani.
Sa laing bahin, gihatagan usab niya og kadasig ang mga katawhan nga mopadayon sa paghimo og maayo sa matag adlaw alang sa atong nasud.
