Dako kaayo og epekto sa mental health sa mga bata ang lig-on nga bonding tali sa inahan ug anak sugod pa sa sayong yugto sa kinabuhi.
Mao kini ang giingon ni Stella Ferrarez, usa ka mental health advocate.Butyag ni Ferrarez nga ang breastfeeding dili lang para sa nutrisyon kondili usa ka importante nga paagi sa pagpalig-on sa emosyonal nga koneksyon nga makatukod og seguridad ug kalma sa sumusoso.
Gitataw niya nga ang attachment nga mahitabo dayon pagkahuman matawo ang bata maoy pundasyon sa iyang emosyonal nga paglambo hangtod sa pagdako.
Gilaraw usab niya nga bisan wala’y breastfeeding, mapalig-on gihapon ang bonding pinaagi sa consistent nga pag-atiman, presensya sa inahan, ug tender loving care sa bata.Iyang gipasabot nga ang kalidad sa pag-atiman ug emosyonal nga suporta mas hinungdanon kay sa pamaagi lamang sa feeding, kay kini maoy nag-umol sa mental resilience sa bata.
Gitataw usab ni Ferrarez nga ang pagbati sa bata nga siya protektado ug giatiman makatabang sa pagpalig-on sa iyang psychological development ug emosyonal nga kahimsog sa umaabot.
