Nagpahimangno ang mental health advocate nga si Stella Ferrarez sa katawhan kabahin sa pagpanalipod sa mental health karon nga nagkakusog ang politikanhong dibisyon ug nagkadaghan ang toxic content sa social media.
Sumala ni Ferrarez, ang awareness ug kahibalo sa mga panghitabo makatabang aron mapabilin ang balanse sa panghunahuna ug malikayan ang sobra nga stress.
Iyang gidasig ang publiko nga dili magpabilin sa fanatisismo sa politika, hinunoa magpaminaw sa lain-laing opinyon ug mangita og hustong pagsabot sa mga isyu.
Dugang pa niya, gipahimangno usab nga dili dayon motuo o mo-react sa tanang makita sa social media tungod sa presensya sa fake news ug AI-generated nga impormasyon.
Busa, gipasabot ni Ferrarez nga kinahanglan mangita og kasaligan nga tinubdan sa impormasyon aron malikayan ang kalibog ug mas mapanalipdan ang mental health.
