Aron dili mahimong hinungdan sa dugang nga violenteng hitabo sa matag tunghaan, giawhag sa usa ka mental health consultant ang matag usa nga dili pasagdan ang tago nga trauma ug kaisog taliwala sa kontrobersyal nga shooting incident sa Ateneo de Zamboanga.
Pinaagi sa pamahayag ni Stella Ferrarez, gitin-aw niini nga pwedeng mahimong indirect victim ang bisan kinsa sanglit ang maong makahahadlok nga trahedya dali nga makatukmod sa tinguha nga manakit sa uban o gani sa kaugalingon.
Taliwala sa maong risgo, gipahinumdoman sa maong eksperto ang pagbantay sa kaugalingong emosyon ug ang pagpaambit sa gibating kasuko ngadto sa mga guidance counselor o ginikanan samtang sayo pa.
Sanglit dili gayud malikayan ang pagbalik sa mga sakit nga kasagaran sa kagahapon, gidugang pa ni Ferrarez nga ang pagpangayo dayon og tabang ang labing maayong lakang aron dili na masundan ang nahitabong ngilngig nga pagpatay sa sulod mismo sa tunghaan.
