Nagpahayag si Atty. Jojo Lacanilao, convenor sa Duterte Panagutin Movement, nga dili klaro ang mensahe gikan sa kampo ni Vice President Sara Duterte kalabot sa nagpadayong isyu sa impeachment batok kaniya.
Matod ni Lacanilao, katungod sa matag Pilipino ang pagdangop sa korte ug paggamit sa legal nga mga remedyo kon nagtuo sila nga naapektohan o nasakitan sila sa usa ka isyu.
Apan iyang giingon nga tungod kay politikal ang maong kaso, mas kinahanglan nga klaro ug husto ang pagpasabot sa publiko aron masabtan sa katawhan ang tinuod nga baruganan sa depensa.
Dugang pa niya, bisan siya mismo naglisod pagsabot sa pipila ka gipagawas nga tubag ug pahayag sa kampo sa bise presidente.
Matod pa sa abogado, kon sayop o malibog ang messaging, mas modaghan ang pangutana, kritisismo ug kalibog sa publiko, ilabina sa social media diin kusog karon ang diskusyon sa maong kontrobersiya.
