Gikumpirmar sa Meta [facebook] nga wagtangon na nila ang Messenger desktop apps para sa Windows ug macOS sugod Disyembre 15, 2025.
Human sa maong petsa, dili na magamit ang apps ug i-redirect na ang mga users ngadto sa Facebook.com o Messenger.com, depende sa ilang account setup.
Giawhag usab sa Meta ang mga users nga i-activate ang secure storage feature ug motakda sa PIN aron masiguro nga luwas ug accessible gihapon ang ilang mga mensahe human sa pagbalhin sa web-based nga Messenger.
Kini nga desisyon kabahin sa plano sa Meta nga mag-focus sa web ug mobile platforms imbes sa standalone desktop apps.
