CAGAYAN DE ORO CITY – Gikasuhan sa PDEA 10 sa pagsupak sa Comprehensive Dangerous Drugs Act of 2002 ang suspected regional priority drug personality nga unang nadakpan sa hiniusang operasyon sa kapolisan sa Brgy Poblacion,Valencia City,Bukidnon.
Gibutyag ni Atty. Benjamin Gaspi, regional director sa PDEA 10 nga maoy nadakpan sa ilang tropa kuyog ang PNP si alyas Metalica pinaagi sa buy bust operation sa maong lugar.
Namahayag si Gaspi nga nabawi gikan sa dinakpan ang 6 gramos sa gitoohang shabu nga gibana-banang adunay sobra 40-mil pesos nga market value.
Nanganti ang PDEA 10 ug PNP nga ipalig-on pa ang kampanya kontra ilegal nga droga aron maproteksyonan ang kaugmaon ilabina sa kabatan-unan nga maoy gidahom nga mosunod mahimong mga lideres sa nasud.
