Walay legal nga katungod ang mga abogadong naghulga nga iduso sa Korte Suprema ang 16-vote requirement sa impeachment batok kang Bise Presidente Sara Duterte.
Mao kini ang gipahayag ni constitutional law expert Atty. Jojo Lacanilao, diin gipasidaan niya nga usik ra sa panahon ang maong mga hulga tungod kay wala kini lig-ong basihan sa balaod.
Gitin-aw ni Lacanilao nga ang mga senador, ang bise presidente, ug ang mga prosecutor ra ang adunay katungod nga manghilabot sa maong proseso ug dili ang ubang abogado sa gawas.
Tungod niini, nagdepende na karon sa opisyal nga desisyon sa Senado ang dagan sa pagdungog samtang nagpaabot ang tanan sa ilang pinal nga lakang.
