CAGAYAN DE ORO CITY –Dili gyud angayang mahimong sunod nga presidente ang anak ni late dictator former Pres Ferdinand Marcos Sr nga si kanhi Sen Bongbong Marcos nunot sa Mayo 9 nga piliay sa nasud.
Ingon ani ang reaksyon sa political anaylst nga si Atty Antonio La Viña tungod sa pagbewala ni Marcos sa presidential candidates forum nga inisyatiba sa TV ug radio networks nga sakop sa Kapisanan ng mga Brodkasters sa Pilipinas o KBP kagahapong adlawa.
Miingon si La Viña nga dakong kawad-on sa imahen kandidato pagka-presidente ang gihimo ni Bongbong kay nakatutok ang minilyong katawhan sa maong forum nga makit-an usab social media platforms.
Samtang miatubang ang lima ka presidential candidates sa forum,busy usab si Marcos sa segment taping sa usa ka TV program.
Samtang angayan lang nga wala tungahi ni Marcos ang KBP presidential candidates forum.
Kini ang reaksyon usab ni Citizens Watch for Good Governance convenor Atty Antonio Soriano kay gihukman nang daan si Marcos kabahin sa pipila ka mga isyu.
Miingon si Soriano nga wala na’y angay tubagon si Bongbong kay gipakita naman nga siya sad-an sa mga isyu nga kinahanglan pa unta niya nga hatagan sa katin-awan.
Apan nagtoo si Soriano nga motunga ra si Marcos sa presidential debate kon mismo na ang taga- Comelec ang mohimo’g inisyatiba alayon sa May 9 elections.
Samtang nakasaway si kanhi IBP CdeO MisOr Chapter President Atty. Eddie Cuaresma sa kandidato nga ga apil sa mga presidential forum.
Gibutyag ni Cuaresma nga ang pag apil sa mga forum maoy tulay para mahibaw-an sa katawhan ang mga plano sa kandidato panahon nga buligan kini sa mga tawo.
Matud ni Soriano nga ang dili pag apil sa forum ang senyales nga dili sensiro sa tinguha nga pag alagad. Hisayran nga si Marcos ang pakyas pagsalmot sa presidential forum forum kagahapon tungod sa conflict sa eskedyul.
