PC:PNP-10’s PIO
CAGAYAN DE ORO CITY-Mitahan balik sa gobierno ang upat ka giingong aktibong miembro sa rebeldeng New People’s Army o NPA sa Sitio Bulacao, Brgy Conception, Valencia City, Bukidnon.
Miingon si PNP regional spokesperson Supt Lemuel Gonda nga mitahan ang maong mga rebelde tungod kay dismayado sila sa saad sa nag-recruit kanila aron makigbatok sa gobierno.
Kini ang hinungdan nga mitahan ang maong mga rebelde sa Bukidnon-PNP inabagan sa 88th IB, Philippine Army.
Gipugngan una sa militar ug kapolisan ang pagbutyag sa pangalan sa mga rebelde samtang naglusad pa sila sa follow up operation sa kabukiran.
Gi-presentar ang maong NPA surrenderees sa media sa Camp Alagar ning syudad kaganihang buntag.
