Mialsa ang kontrobersiya human gipahayag ni Congressman Ace Barbers nga mahimong kuhanong testigo sa Impeachment Court ang nagpailang security aide ni dating Speaker Lord Allan Velasco nga naghatod matud pa og maleta sa kwarta ngadto kang Vice President Sara Duterte.
Tungod niini, gitudlo ni DDS Sara All Confederation Legal Counsel Attorney Raymond Batu nga puno sa sayop ang mga ebidensya ug hulagway sa testigo sama sa sayop nga numero sa plaka sa sakyanan.
Gitin-aw sa abogado nga ang 99% nga kalampusan sa gihimong polygraph test sa testigo para lamang sa kaugalingong impormasyon ug dili bahin sa mismong mga pasangil.
Gipangayo usab sa abogado nga ipailalom sa bukas nga polygraph test ang testigo atubangan sa publiko aron masukod kon tinuod ba ang gipangbuhian niini nga pulong batok sa Bise Presidente.-
