CAGAYAN DE ORO CITY-I-koordinar karon ni Patag Brgy Kapitan Maricor Calizo sa 4th ID,Philippine Army kon mahimo pa ba nga makatukod pagbalik sa ilang pinuy-anan ang pipila ka pamilya nga nasunugan sa Zone 5 kagahapon sa kadlawon.
Kini human kontrobersyal ang duluna sa yuta nga gitukuran sa mga pamilya sulod sa kampo sa taas na nga panahon.
Una niini,mismo si Calizo ang mihatag sa pasiunang tabang-pinansyal sa mga apektadong pamilya diin nagsumikad ang sunog sa pinuy-anan ni Generosa Quijano hinungdan mitala sa uno punto singko milyon pesos ang structural damage kagahapon.
Una usab niini,gilayong mitunol sa pagkaon ug ubang panginahanglan si CSWD officer Teddy Sabugaa sa mga apektadong mga pamilya samtang gi-proseso ang pagtunol sa financial assistance alang kanila.
