CAGAYAN DE ORO CITY – Magkatigi pagka-bise gobernador ang mga apo ni late Philippine Vice President Emmanuel ‘Maning’ Pelaez alang sa 2022 elections sa Misamis Oriental.
Kini human pulos miduso sa ilang tagsa-tagsa ka kandidatura si incumbent Vice Gov Jigjag Pelaez ug igsoon nga si kanhi Vice Gov Joey Pelaez sa magkalahi nga partidong politikal sa lalawigan.
Si Jigjag ang kasamtangang ubos sa alyansa ni Padayon Pilipino-Lakas CMD-Nationalista Party diin ilang kandidato pagka-gobernador si Gingoog City Vice Mayor Pedro Unabia.
Samtang si kanhi Vice Gov Peleaz nga kanhi alyado sa Padayon Pilipino ang ubos na sa National Unity Party diin ilang kandidato pagka-gobernador usab si Misamis Oriental 2nd District Rep Juliette Uy.
Ika-kontra sa magsangka nang magsoong Pelaez ang kanhi representante sa partylist group si Ariel ‘Ayi’ Hernandez kinsa may gubernatorial candidate nga si City Mayor Oscar Moreno nga nagdala sa partido PROMDI.
Si late VP Pelaez ang nagsilbi sa nasudnong katungdanan sa dekada 60.
