CAGAYAN DE ORO CITY-Gipangita sa pulis ug militar ang taas nga opisyal sa brgy human makuhaan sa mga armas ug bala sulod sa ilang panimalay sa Purok-4, Brgy. Saumay, Salvador, Lanao del Norte.
Giila ang suspek nga si Saumay Brgy. Chairman Monib Ameril kinsa nagpuyo sa maong lugar.
Gisilbi sa mga pulis ang search warrant batok kang Monib Ameril tungod sa pagbaton sa ilegal nga mga armas diin nakuha sulod sa ilang panimalay ang COLT M-16 rifle; duha ka long plastic magazines sa M16-rifle; long steel magazine sa M-16 rifle; tulo short steel magazine sa M-16; 7 steel magazine sa M-14 rifle; 178 ka bala sa M-16 rifles; 519 ka bala sa 5.56mm live ammos ug duha ka 251 cal. 7.62mm live ammuniations.
Wala maabti sa mga pulis si Ameril sa dihang gisilbi ang search warrant hinungdan nga wala kini madakpi.
Giandam na sa mga pulis ang kaso batok kang Ameril.
