CAGAYAN DE ORO CITY- Gitahan sa lima ka mayores ang ilang mga armas nga mihupas na ang mga lisensiya sa kapolisan sa Misamis Occidental.
Kini isip tubag sa maong mga mayor gikan sa Oroquieta City,Clarin,Lopez Jaena,Sinacaban ug Calamba sa panawagan sa kapolisan tungod sa gun ban implementation sa Commission on Elections o Comelec.
Miingon si Misamis Occidental Police Provincial Office Director Police Col Danildo Tumanda nga halos moabot sa 500 ka loose firearms ang gitugyan sa katawhan nga naglakip sa lima ka mayores diin gisaksihan usab ni Police Regional Office regional director Brig Gen Timoteo Pacleb sa Oroquieta sa City kagahapong adlawa.
Siya miingon nga 16 sa 452 ka naturn-over nga loose firearms ang naggikan sa incumbent politicians sa lugar.
