CAGAYAN DE ORO CITY – Gipaubos sa stress debriefing ang sobra 300 ka residente nga nangbakwit tungod sa engkuwentro tali sa militar ug rebeldeng New People’s Army o NPA sa Brgy Canangaan,Cabanglasan,Bukidnon.
Kini tungod sa kalisang nga maipit sa pagsinukliay sa mga bala tali sa duha ka panig sa maong lugar.
Miingon si Cabanglasan Mayor Renante Inocando nga kasamtangang gipahimutang ang mga bakwit sa evacuation center samtang ang uban nagpasilong sa ilang gymnasium.
Gibutyag ni Inocando nga sa pila ka oras nga engkuwentro,nabawi sa militar ang 4 ka M-16 rifles,carbine,shotguns,landmines ug mga personal nga kabtangan sa mga rebelde.
Dili pa makompirmar kon may namatay panig sa mga rebelde kinsa unang gitudlo nga mga suspek pagsunog sa truck ug payloader sa Valencia City,Bukidnon.
