CAGAYAN DE ORO CITY – Gikasuhan na sa pagbaton sa gidiling droga ug paghupot sa mga armas ang tulo ka lalaki nga unang nasikop sa pagronda sa kapolisan nga aktong nag-pot sesyon sa suspected shabu diha sa Brgy Canitoan ning syudad sa miaging adlaw.
Giila ni Carmen Police Station deputy commander Sr/Insp Mario Mantala Jr ang mga dinakpan nga sila si Rechiller Salvania, 49 anyos nga nagpuyo sa maong dapit.
Nasikop usab ang kauban sa suspek nga sila si Goldie Chiqui Lanuza, 35 anyos nga nagpuyo sa Brgy Iponan ug Albert Cliff Enerio, 44 anyos nga nakabase sa Upper Bulua sa dakbayan.
Una nang nakuha gikan sa mga suspek ang sachets sa shabu,drug paraphernalia, 45 caliber pistol,shotgun ug ammunition.Detinado ang mga suspek sa Maharlika Detention Center sa syudad.
