CAGAYAN DE ORO CITY-Nakompiskar sa militar ang mga armas, bomb making materials ug food supply nga gipanag-iya sa rebeldeng New People’s Army o NPA sa Sitio Bulacao, Barangay Concepcion, Valencia City, Bukidnon.
Kini human natultulan sa militar ang lokasyon nga gilubngan sa mga pusil, bomb making materials, medical supply ug sinako nga mga bugas.
Gibutyag ni 88th IB civil military operations chief 2nd Lt Sancho Tomaquin nga gipangsulod pa sa mga plastic container ang maong mga kabtangan aron dili dali mailhan samtang gipanglubong sa yuta.
Nagtoo usab si Tomaquin nga ang maong mga kabtangan ilabina sa pagkaon ug medical supply ang gikan sa mga tawo nga biktima sa giingong pagpangilkil sa mga rebelde sa Bukidnon.
