CAGAYAN DE ORO CITY-Nabawi sa hiniusang tropa sa kapolisan ug militar ang mga gamit sa pagpamomba sa balay ni P/Supt Maria Christina Nobleza sa Pine Hills Executive Homes, Purok 5, Brgy Casisang,Malaybalay City, Bukidnon.
Kini human gisilbi sa mga otoridad ang search and seizure warrant no. 14-17 nga gi-isyu ni RTC Branch 9 Executive Judge Maria Theresa Aban-Camannong batok kang Nobleza.
Si PRO-10 spokesperson Supt. Lemuel Gonda miingon nga maoy nakuha sa panimalay ni Nobleza ang M16 rifle, 7 magazines sa M16 rifle, .45 pistol nga may magazine, 218 cartridges for M16 rifle, 1 bandoler sa M16 rifle, 1 timer color yellow alang sa improvised explossive device, bomb component/improvised explosive device, 1 set sa soldering iron, 66 non electric blasting caps, 1 pc 9 bolts battery, 1 pc tester and assorted subuersive documents pertaining terrorist activities.
Gidakop usab sa mga pulis ang tulo ka lalake nga anaa sa panimalay ni Nobleza atol sa operasyon nga sila si Al Mohammar Bayani, 22-anyos ug duha ka menor de edad nga taga San Juan Baroy, Lanao del Norte.
Gidala na sa Criminal Investigation and Detection Group ang mga nakumpiskang gamit ug giandam ang kasong pagsupak sa RA 10591 ug RA 9516 batok sa mga suspek.
