CAGAYAN DE ORO CITY – Nakompiskar sa militar ang mga tag-as nga kalibre sa armas nga iya sa mga rebeldeng New People’s Army o NPA diha sa Purok 7,Brgy Mat-i,Claveria,Misamis Oriental.
Gibutyag ni 16th IB civil military operations chief 2nd Lt Valerie Mae Jequinto nga gika-engkuwentro nila ang anaa sa 15 ka gitoohang NPA combatants sulod sa pila ka minutos sa maong lugar kagahapon sa buntag.
Gawas sa nabawi nga M 653 ug M-14 rifles,apil usab sa nakompiskar sa tropa ang mga bugas ug laing mga panginahanglan sa mga rebelde.
Nagtoo si Jequinto nga dunay samaron tungod sa nagpasak nga dugo sulod sa encounter site.
Sa miaging semana,nabawi usab sa 8th IB,Philipine Army ang mga armas,bomba ug granada gikan sa ilang na-engkuwentro nga NPA rebels sa Bukidnon diin nag-resulta sa pag-surender sa tulo ka kauban sa dihang kini nagkatibulaag sa maong engkuwentro.
