CAGAYAN DE ORO CITY – Kasuhan sa pagsupak sa Comprehensive Law on Firearms ug Unlawful Manucfature, Sales, Acquisition, Disposition, Importation o Possession of an Explosive or Incendiary Device ang pito ka armadong mga suspek sa piskalya sa Lanao del Sur.
Kini human madakpi sa hiniusang operasyon sa PNP ug militar ang mga suspek nga mihimo’g pagpamusil ug nakiggukod pa ayha nangadakpan sa Sitio Super Barangay Curahab,Malabang sa probinsya.
Miingon si Lanao del Sur Provincial Police Office Director Col Christopher Panapan nga kabahin sa nadakpan nga sila si Alikhan Sarip;Tatao Sarip;Raof Bangon;Jojo Maruhom; Naim Abdul; Faisal Dimao ug Ryan Anwar Sarip nga tanan residente sa magkalahing barangay nga pulos anaa sa hingkod ang edad sa maong lungsod.
Nakompiskar gikan sa mga suspek ang barret caliber 50 with magazine;tulo ka Elisco M-16 rifle;duha ka Colt M-16 rifles;duha ka caliber 45 with ammunitions;snub-nosed caliber 38 caliber;fragmentation grenade; klase-klaseng mga bala ug daghan pang uban.
