CAGAYAN DE ORO CITY – Nadakpan sa kapolisan ang usa sa duha ka magsoon nga nagbaton sa ilegal nga mga armas diha sa Sitio Binone,Brgy Tuburan sa syudad kagabii.
Giila ni Lumbia Police Station 8 commander Maj Aldren Baculio ang suspek nga si Jerry Hidalgo,46 anyos samtang naka-eskapo si Bobby Hidalgo,37 anyos nga pulos nagpuyo sa maong lugar.
Gibutyag ni Baculio nga maoy nakuha gikan sa suspek ang kalibre 38 nga armas ug improvised armalite rifle ingon man mga bala sa kalibre 45.
Kasuhan sa pagsupak sa balaod sa illegal possession of firearms ang magsoon sa piskalya sa syudad ning semanaha.
Una niini,giangkon usab ni Jerry nga nagbaton kini’g armas apan gamiton lamang daw sa pagpangdakop sa mga hayop sa lasang.
