CAGAYAN DE ORO CITY-Pulos gibasura sa militar ang duha ka demanda sa mga bakwit nga temporaryong nagpasilong diha sa Capitol Grounds tungod sa nahitabong kagubot sa Sitio Kamansi, Barangay Banglay, Lagonglong Misamis Oriental.
Matud ni 58th IB commander Lt. Col. Roy Anthony Derilo nga ilang gikasubo tungod kay dili nila mahimo ang hangyo sa mga bakwit nga i-pull out ang militar sa maong lugar ug ang pagdili pagtukod sa detachment sa maong komunidad.
Siya miingon nga dili sila mopahawa sa maong lugar hangtud magpabilin ang NPA.
Samtang gihagit ni Derilo ang mga bakwit nga lumad nga makigdayalogo usab sa mga rebeldeng New Peoples Army o NPA.
Kini sa tumong nga ilang maabog ang mga armado nga nagtago sa ilang lugar.
Si Derilo miingon nga dili ang militar maoy makagguba sa kultura sa mga lumad kundi ang mga NPA.
Asoy pa niini nga nag-sakrispisyo sila nga magpa-destino sa maong lugar aron sila maprotehiran batok sa mga armado.
