CAGAYAN DE ORO CITY-Ipasaka sa kapolisan ang kasong kasupakan sa illegal possession of ammunitions ang tulo ka personahe nga nakuhaa’g pipila ka karton sa mga bala gikan sa Marawi City.
Kini human nasitar sa checkpoint sa mga sundalo ug kapolisan ang Hi-Ace van nga gimaneho ni Jerry Balabat.
Maoy gikasuhan ang magtiayon nga Jerry ug Amalia Balabat ug Sergio Pangantihon nga residente sa General Santos City.
Si El Salvador City Police Station commander Supt Jerry Tambis miingon nga ilang nadakpan sa checkpoint ang tulo ka personahe nga sakay sa van gikan Iligan City diin nakompiskar kanila ang unom ka M203 grenade launchers ka mga bala; 5O rounds sa bala sa caliber 60 machine gun;21 kahon sa bala sa M-16 rifle;6 kahon sa bala sa AK-47 rifle.
Nailog usab ang laing 20 bala sa caliber 50 machine gun;14 nga bala gikan sa caliber 40 machine gun;100 piraso bala sa M-16 ug bala caliber 30 machine gun.
