CAGAYAN DE ORO CITY- Nasikop sa kapolisan ang negosyanteng Intsik pinasikad sa mando sa korte tungod sa pagbaton niini sa mga buhi nga bala sa caliber 50 machine gun ingon man sa mga kapsula sa laing mga klase sa armas diha sa Brgy Carmen sa syudad kagabii.
Kini human gimando ni RTC Branch 18 Executive Judge Dennis Alcantar nga kompiskahon sa kapolisan ang maong mga kontrabando sulod sa warehouse nga gipanag-iya sa negosyante nga si Jay Tan.
Gibutyag ni C/Insp Ariel Philip Pontillas,hepe sa City Intelligence Unit sa Cagayan de Oro City Police Office nga ang maong mga bala ug ubang sangkap sa eksplosibo ang naggikan sa Marawi City.
Mag-atubang sa tukmang kaso si Tan sa piskalya kon mapamatud-an nga nalapas niini ang batakang balaod sa iyang gihimo.
Hisayrang nabawi usab ang mga bala sa M-14,M-16 ug nagkadaiyang magazines sa high powered firearms.
