CAGAYAN DE ORO CITY-Gawasnon na ang dinakpan sa kapolisan ug militar nga suspek pagdala’g gatusang bala sa shotgun ug 9mm pistol dihang nasitar sa Sitio Kinasanghan,Brgy Iponan sa syudad sa miaging gabii.
Kini human nakapresentar sa dokumento ang tag-iya sa maong kargamento nga si Benedicto Lao Sr sa kapolisan dihang gipatawag sa kapolisan sa syudad.
Unang nasikop sa City Public Safety Batallion sa Cagayan de Oro City Police Office ug 4th ID,Philippine Army ang usa ka Arwin John Rojas nga maoy nagmaneho sa kolor itom nga Suzuki vehicle.
Miingon si Bulua Police Station commander Sr/Insp Ian Datelis nga nakahatag sa igong pagpasabot si Lao sa gihuptan niyang mga bala hinungdan nga kini giuli-balik kaniya.
